மனதை வருடும் ஒரு கவிதை

அன்பு மகனுக்கு அப்பா எழுதுவது….!

வசதியாகத்தான் இருக்கிறது மகனே…
நீ கொண்டு வந்து சேர்த்த
முதியோர் இல்லம்

பொறுப்பாய் என்னை
ஒப்படைத்து விட்டு சலனமின்றி நீ
வெளியேறிய போது, முன்பு நானும்
இது போல் உன்னை
வகுப்பறையில் விட்டு விட்டு
என் முதுகுக்குப் பின்னால்
நீ கதறக் கதறக்
கண்ணீரை மறைத்தபடி
புறப்பட்ட காட்சி
ஞாபகத்தில் எழுகிறது!

முதல் தரமிக்க
இந்த இல்லத்தை
தேடித் திரிந்து
நீ தேர்ந்தெடுத்ததை அறிகையில்கூட
அன்று உனக்காக நானும்
பொருத்தமான பள்ளி
எதுவென்றே
ஓடி அலைந்ததை
ஒப்பீடு செய்கிறேன்!

இதுவரையில்
ஒருமுறையேனும்
என் முகம் பார்க்க
நீ வராமல் போனாலும்
என் பராமரிப்பிற்கான
மாதத் தொகையை
மறக்காமல்
அனுப்பி வைப்பதற்காக
மனம் மகிழ்ச்சியடைகிறது
நீ விடுதியில்
தங்கிப் படித்த காலத்தில்
உன்னைப் பார்க்க வேண்டும் என்ற
ஆவல் இருந்தாலும்
படிப்பை நினைத்து
உன்னை சந்திக்க மறுத்ததன்
எதிர்வினையே இதுவென்று
இப்போது அறிகிறேன்!

இளம் வயதினில்
நீ சிறுகச் சிறுக சேமித்த
அனுபவத்தை
என் முதுமைப் பருவத்தில்
மொத்தமாக எனக்கே
செலவு செய்கிறாய்
ஆயினும்…
உனக்கும் எனக்கும்
ஒரு சிறு வேறுபாடு
நான் கற்றுக்கொடுத்தேன்
உனக்கு…
வாழ்க்கை இதுதானென்று
நீ கற்றுக் கொடுக்கிறாய்
எனக்கு…
உறவுகள் இதுதானென்று!

இந்தக் கவிதையைப் படித்ததும் கண்கள் குளமாகின்றது..

எவ்வளவு யதார்த்தமும் வலியும் இந்தக் கவிதையில்
அடங்கியுள்ளது..

கவிஞரைப் பாராட்டுவோம்..

மத்தாப்பு போல் புன்னகைத்தாள்

மத்தாப்பு போல் புன்னகைத்தாள் என்னிடம்

சங்கு சக்கரம் போல் என்னை சுற்றி வந்தாள்

ஊசி வெடி போல் படபடத்து பேசினாள்

ராக்கெட் போல பறந்தாள் என்னை விட்டு

புகைந்து போன புஸ்வானம் ஆனது என் காதல் 

(காதலில் தோற்ற ஒரு பட்டாசு கடைக்காரர்  பாடியது)

நேற்று விண்ணில் தெரிந்த ஒளியானாய்

    நேற்று விண்ணில் தெரிந்த ஒளியானாய் 

இன்று மண்ணில் விழுந்த சிறகானாய் 

நேற்று நெஞ்சில் நிறைந்த நினைவு 

இன்று பஞ்சாய் பறந்த கனவு 

நேற்று வரை  எனக்கு மட்டும் சொந்தம்

இன்று ஒருவன் கைபிடித்து போனதேன்

நேற்று வரை நீ வேறோ நான் வேறோ 

இன்று முதல் நீ யாரோ நான் யாரோ

                            (இது யார் எழுதிய காதல் பாட்டு தெரியுமா?)

|
|
|
|
|
|

|
|

     

     

( உங்கள் கற்பனைகளுக்கு நான் பொறுப்பல்ல 

செல்ல நாயை பிரிந்து வாடும் ஒருவனின் சோகப்பாட்டு 

இது. )

  

சாயி பாபா 

காப்போம் இயற்கை வளத்தை தணிப்போம் பூமித்தாய் சீற்றத்தை !

இன்று நேற்று வந்ததல்ல காதல்

இன்று நேற்று வந்ததல்ல காதல்

தொன்று தொட்டு வருவது

அன்று ஆதாம் ஏவாள் தொடங்கி

இன்றும் தொடரும் நிகழ்ச்சி அது

வாடா மலர் போன்ற காதல் பற்றி

பாடா கவிஞன் இல்லை

பலவகை உண்டு காதலில்

சங்ககால தலைவன் தலைவி காதல்

வெள்ளித்திரையில் வண்ணமிகு காதல்

கல்லூரிக்காலத்தில் தோன்றிய முதற் காதல்

தோல்வியில் முடியும் ஒருதலை காதல்

மரணத்தில் முடியும் கள்ளக்காதல்

பார்க்காமலே வரும் ஆன்லைன காதல்

காதலில் வென்றால் மணத்தில் முடியும்'

காதலில் தோற்றால் கவிதையில் முடியும்

காதல் என்பது இருவருக்கு இனிப்பு.,

காதலர்களின் பெற்றோருக்கு கசப்பு.

மகுடி முன் மயங்காத பாம்பும் இல்லை.,

காதல் முன் மயங்காத மனிதரும் இல்லை.

காதல் படுத்தும் பாடு பெரும்பாடு

காதல் கொண்டவர்க்கு

தெரிவதில்லை சாதி,மத வேறுபாடு

புரிவதில்லை வயது வித்தியாசம்

அறிவதில்லை ஏழை பணக்கார பாகுபாடு

வருவதில்லை இரவில் தூக்கம்

இருப்பதில்லை ஓரிடத்தில் நிலையாய்

காதலித்தவரையே கைபிடிப்போரும் உண்டு

கைபிடித்தவரையே காதலிப்போரும் உண்டு

காதல் செய்யும் கோளாறுகள் பல.,
ஒருத்தரைக் காதலித்து மற்றவரைக்.,

கைப்பிடிப்போரும் உண்டு.

ஒருத்தரைக் கைப்பிடித்து மற்றவரைக்.,

காதலிப்போரும் உண்டு.

காதல் என்றும் புனிதமானது.,

காதல் என்றும் புதுமையானது.,

காதல் என்றும் தொடர்வது எனவே.,

காதல் வாழ்க..!
காதல் செய்வோர் வளர்க..!

நிலைத்து நிற்கும் நட்பு

பள்ளிப்பருவத்தில் பழகிய நட்பு

பள்ளி முடிந்ததும் மறைந்தது

கல்லூரியில் கிடைத்த நட்பு

கற்ற பின் காற்றில் கரைந்தது

ஓயாது உழைத்த அலுவலக நட்பும்

ஒய்வு பெற்ற பின் ஒளிந்தது

(ஆனால்)

இணையத்தளத்தில் இணைந்த நட்பே

இன்று நிலைத்து நிற்கிறது

பார்த்ததில்லை

பழகியதில்லை

நாம் ஒருவரை ஒருவர்

பாசப் பறவைகளை

இணைந்தோம்

இணையதளத்தால்

இருப்பது வெவ்வேறு நாட்டில்

இடைவெளி குறைந்தது

இணையதளத்தால்

மறைந்தது சாதி,மத,மொழி வேற்றுமைகள்

நிறைந்தது நெஞ்சின் ஒற்றுமைகள்

இணையதளம் தந்த நட்பே

நிலைத்து நிலைத்து நிற்கிறது நம் வாழ்வில்

இது கற்பனைக்கவிதை அல்ல

என் வாழ்வில் நான் கண்ட உண்மை

நட்புடன்

சாயி பாபா

கீழ்வானில் சிவந்து மறைந்தான் ஆதவன்

கீழ்வானில் சிவந்து மறைந்தான் ஆதவன்

ஆதவன் உதித்தால் பொழுது விடியும்

பொழுது விடிந்தால் வீட்டில் கல்யாணம்

கல்யாண வீட்டில் ஒரே கும்மாளம்

கும்மாளம் கூச்சலுக்கு இடையில் மணப்பெண்

மணப்பெண் கண்ணில் ஏனிந்த கண்ணீர்?

கண்ணீருக்கு காரணம் முன்னாள் காதலன்

காதலன் அவளுக்கு எழுதிய கடிதம்

கடிதத்தில் அவன் வைத்த கேள்வி

கேள்விமுறை இல்லையா காதலிக்க?

காதலிக்க ஒருவன் கைப்பிடிக்க ஒருவனா?

ஒருவனுக்கு ஒருத்தி மறந்து போனதா?

மறந்துபோன காதல் மீண்டும் வராதா?"

மீண்டு வராத துக்கத்தில் அவள்

அவள் மனதில் பெரும் குழப்பம்

குழப்பம் தீராதபோது வந்தார் தந்தை

தந்தையின் முகத்தில் பெரும் கவலை

கவலையின் காரணம் மணமகன் வீட்டார்

மணமகன் வீட்டார் கேட்ட வரதட்சணை

வரதட்சணைக்கு வழி இல்லை இப்போது

இப்போது என்செய்வது என்றார் தந்தை

தந்தை சொல்கேட்டதும் தீர்ந்தது குழப்பம்

குழப்பம் இல்லை தந்தையே எனக்கு

எனக்கு வேண்டாம் இந்த மணமகன்

மணமகனாக விருப்பம் என் காதலனுக்கு

காதலனுக்கு சிறிதும் வேண்டாம் வரதட்சணை

வரதட்சணையில்லாத் திருமணம் தந்தைக்கு சம்மதம்

தந்தை சம்மதத்துடன் விடிந்தால் கல்யாணம்

கல்யாணப்பெண் நோக்கினாள் கீழ்வானை

கீழ்வானில் சிவந்து மறைந்தான் ஆதவன்

ஆதவன் உதித்தால் பொழுது விடியும்

பொழுது விடிந்தால் வீட்டில் கல்யாணம்

கல்யாண வீட்டில் ஒரே கும்மாளம்

நிச்சயம் நிச்சயம்

மண்ணில் வேர்வை விழ உழைத்த உழவனுக்கு

அவ்வாண்டு பெரும் அறுவடை நிச்சயம்

அறுசுவை படைத்த தாய்க்கு

மைந்தர் தரும் மனமகிழ்ச்சி நிச்சயம்

கல்விக்கு வழி வகுத்த தந்தைக்கு

பிள்ளையின் நன்றிக்கடன் நிச்சயம்

கண்விழித்து படித்த மாணவர்க்கு

தேர்வில் வெற்றி நிச்சயம்

உயர் கல்வி போதித்த ஆசானுக்கு

பள்ளியின் வெற்றி நிச்சயம்

அவரவர் கடமையை கருத்தே செய்தால்

வாழ்வில் முன்னேற்றம் நிச்சயம் நிச்சயம்

அன்புடன்

முதற் கவிதை

"இது எனது முதற் கவிதை

கவிதைதானா என்று தெரியாது

கவிதை இலக்கணமும் இருக்காது

படித்து உங்கள் கருத்துக்களை கூறவும்"

கல்வியும் செல்வமும்

உண்ண உணவில்லை

உடுக்க உடையில்லை

பள்ளி செல்ல வழிஇல்லை ஆனால்

படிப்பதற்கோ மனமுண்டு

சின்னஞ் சிறு வயதில் செய்வதோ

பெருந் தொழில்

பாவம் என்ன செய்தனர் இப்

பச்சிளம் பாலகர்கள்

செல்வந்தர் வீட்டு பிள்ளையோ

செலவு செய்ய பெரும் பணம்

உடுப்பதற்கும் உணவிற்கும் குறையில்லை

படிப்பதற்கும் அறிவில்லை இங்கே

கல்வி இருக்கும் இடத்தில செல்வம் இல்லை

செல்வம் இருக்கும் இடத்தில கல்வி இல்லை

இரண்டும் ஓரிடத்தில் இருக்க வழி உண்டா

சிந்திப்பீர் செயல் படுவீர்!